सर्वनाम शिक्षालयका प्रिन्सीपल प्रहरी नियन्त्रणमा, आरोपी होस्टल वार्डेन फरार

काठमाडौं जोरपाटीको सर्वनाम शिक्षालयका प्रिन्सीपल ढुण्डीराज शिवाकोटी र उनकी पत्नीलाई महानगरीय प्रहरी वृत्त वौद्धले नियन्त्रणमा लिएको छ । यौन दुर्व्यवहारका आरोपित होस्टल वार्डेन रामजी बस्नेत भने फरार छन् ।

छात्राहरुले यौन दुर्व्यवहारको घटनाबारे अभिभावकलाई जानकारी गराएपछि शनिबार अभिभावकहरु होस्टल पुगेका थिए । उनीहरुले होस्टलमा नाराबाजी गर्नुका साथै घटनाको अनुसन्धान र दोषीलाई कारबाहीको माग गरेका छन् ।

घटनाबारे जानकारी लिन खोज्दा प्रिन्सीपल दुर्गानाथ शिवाकोटीले दुव्र्यवहार गरेको भन्दै अभिभावक आक्रोशित भएका थिए ।

महानगरीय प्रहरी वृत्त वौद्धका डीएसपी ढुण्डीराज न्यौपानेले घटनाको विषयमा सोधपुछ गर्न उनीहरुलाई नियन्त्रणमा लिएको बताए । ‘विद्यार्थीहरुले घटनाबारे जेठ १९ गते नै जानकारी गराएका रहेछन्, तर उहाँले केही गर्नुुभएन भन्ने अभिभावकको गुनासो छ, हामीले सोधपुछका लागि नियन्त्रणमा लिएका हौं’ उनले भने ।

यौन दुर्व्यवहारको विषयमा जाहेरी दिन अभिभावकहरु पनि प्रहरी वृत्त वौद्धमा पुगेका छन् ।