सल्यान – नेकपा माओवादी केन्द्रले सल्यानका १० पालिका मध्ये ७ पालिकामा सर्वसम्मत उम्मेदवार टुंगो लगाएको छ । अन्य तीन पालिकामा भने धेरैको दाबी भएकाले उम्मेदवार टुंगो लागेको छैन ।
शारदा नगरपालिकामा प्रमोद श्रेष्ठ, बनगाड कुपिण्डे नगरपालिकामा कर्णबहादुर बुढाथोकी, कालिमाटी गाउँपालिकामा पुरुषोत्तम भट्टराई, कपुरकोट गाउँपालिकामा प्रकाश भण्डारीलाई प्रमुखको उम्मेद्वार बनाउन सिफारिस गरिएको हो ।
यस्तै त्रिवेणी गाउँपालिकामा राजेन्द्र थापा, सिद्ध कुमाख गाउँपालिकामा रामबहादुर बुढाथोकी र दार्मा गाउँपालिकाकामा निमबहादुर केसीको नाम सर्वसम्मत सिफारिस गरिएको छ।
बागचौर नगरपालिकाबाट ६ जना, कुमाख गाउँपालिकाबाट ५ जनाको नाम सिफारिस भएको छ ।
छत्रेश्वरीबाट अहिलेसम्म कसैको नाम सिफारिस नभएको र सहमतिको प्रयास भैरहेको छत्रेश्वरी गाउँ कमिटी अध्यक्ष प्रेम खड्काले बताए ।
हेलो कर्णाली । ९ बैशाख २०७९, शुक्रबार १५:२७