जाजरकोटमा आगामी स्थानीय तह निर्वाचनका लागी तालमेल गर्न दलहरु सहमत भएका छन। सत्ता गठबन्धनमा रहेका दलहरुको बैठकले केन्द्रीय निर्देशन बमोजिम जाजरकोट जिल्लामा चुनावी तालमेल गरेर अगाडी बढ्ने सहमती गरेको हो ।
सत्ता गठबन्धनमा रहेका दलका तर्फ बाट संयुक्त वक्तव्य जारी गर्दै जिल्लामा आगामी स्थानीय तहको निर्वाचनमा नेपाली कांग्रेस, माओवादी (केन्द्र), एकीकृत समाजवादी र जनता समाजवादी पार्टीका बीच चुनावी तालमेल गरेर अघि बढ्ने, गठबन्धनका काम कारबाहीलाई व्यवस्थित बनाउन र आवश्यक तयारीका लागी पार्टी प्रमुख सहित ३-३ जना सदस्य रहने गरी जिल्ला स्तरीय संयन्त्र निर्माण गर्ने तथा गठबन्धनको मर्ममा खलल पुग्ने गरी कुनै पनि गतिबिधि संचालन नगर्ने नगराउने र जिल्लाकै अभ्यास अनुसार पालिका स्तरीय संयन्त्र गठन गर्ने सहमति भएको बताईएको छ । जारी व्यक्तव्यमा नेपाली कांग्रेसका सभापति बेदराज सिंह, माओवादी केन्द्रका अध्यक्ष संयोजक डम्बर बहादुर रावत एकीकृत समाजवादीका अध्यक्ष कमान बहादुर खड्का र जनता समाजवादीका अध्यक्ष झलक बुढाले हस्ताक्षर गर्नु भएको छ ।
जारकोटमा यस अघिको निर्वाचनमा नेपाली कांग्रेसले बारेकोट र कुशे गाउँपालिका, एमाले ले भेरी र छेडागाड नगरपालिका शिवालय गाँउपालिका र माओबादीले नलगाड नगरपालिका र जुनिचाँदे गाँउपालिका जितेका छन,पाँच पालिका र ४० वडा कांग्रेसले दाबी गरिरहदा गठबन्धनका दलहरुले पद बाडफाड कसरी मिलाउछन सर्वत्र चासोको बिषय बनेको छ ।
हेलो कर्णाली । २१ चैत्र २०७८, सोमबार १०:५५