मोडल तथा रचनाकार उमेश चन्द ठकुरीको “चोट” नामक गीतले इपिक म्युजिक अवार्ड -२०७८ मा ‘बेष्ट भिडियो ईडिटर अफ दी ईयर’को अवार्ड  हात पार्न सफल भएको छ । उक्त गीतबाट बेष्ट ईडिटरका रुपमा मीन रावल सम्मानित भएका छन।

उमेश चन्द,अन्जली अधिकारी लगायतको मोडलिङ रहेको गीतमा प्रविशा अधिकारीको स्वर, राज कुमार बगरको संगीत तथा उमेश चन्द ठकुरीको शब्द रहेको छ । उक्त गीतको सिनेम्याटोग्राफी डिबी रेउले ले गरेका हुन, भिडियो ईडिटिंगको काम भने मीन रावलले गरेका हुन । गत बैशाखमा भावना म्युजिक सोलुशनले बजारमा ल्याएको भिडियोमा बिक्रम चौहानको निर्देशन रहेको छ । उक्त गीतको ‘मेल भर्सन’मा भने चर्चित गायक प्रमोद खरेलको आवाज रहेको छ, जसलाई ओएसआर डिजिटलले बजारमा ल्याएको  हो । पछिल्नो समय आफ्नै युटुब च्यानलमा दुवै गीत समावेश गरिएको मोडल उमेश चन्द ठकुरीले बताउनु भयो ।

इपिक म्युजिक अवार्ड -२०७८ मा उत्कृष्ट गायिका (महिला)को अवार्ड प्रविशा अधिकारीले जितेकी छन भने उत्कृष्ट संगीतकार, उत्कृष्ट निर्देशक, उत्कृष्ट मोडल को अवार्ड क्रमश : राज कुमार बगर, विक्रम चौहान र सारिका केसीले जितेका छन।

आफ्नो गीतले ‘बेष्ट भिडियो ईडिटर अफ दी ईयर’को अवार्ड जितेपछि मोडल तथा रचनाकार ठकुरीले अवार्डले आफुलाई  संगीत र अभिनयकर्ममा लागिरहन हौसला प्राप्त भएको बताएका छन। ठकुरीले आफु लगायत आफ्नो सम्पूर्ण टीमलाई प्राप्त माया अनि हौसलाका लागी अवार्ड आयोजक टीम लगायत सम्पूर्ण दर्शक श्रोतालाई धन्यवाद व्यक्त गरेका छन।